Իրանի Իսլամական Հանրապետության արտաքին գործերի նախարար Մոհամադ Ջավադ Զարիֆը կարծում է, որ Վիեննայում խաղաղության բանակցությունները հնարավորություն ունեն սկիզբ դնել Սիրիայի հակամարտության լուծմանը, հաղորդում է FNA-ն:

«Հանդիպումը ճիշտ որոշում էր քաղաքական կարգավորման ճանապարհին, և մենք մեր դիրքորոշումների մասին հստակ հայտարարել ենք»,- ասել է դիվանագետը` Սիրիայի ԱԳՆ փոխնախարար Ֆայսալ էլ Մեհդադի հետ հանդիպման ժամանակ:

Նա ընդգծել է, որ ըստ Թեհրանի դիրքորոշման` Սիրիայի հարցը պետք է լուծվի բացառապես քաղաքական ճանապարհով, և միայն սիրիացի ժողովուրդը պետք է վճռի իր ճակատագիրը, իսկ մյուս կողմերը պետք է անուղղակի դեր կատարեն:

Մեհդադն իր հերթին շնորհակալություն է հայտնել իրանցի ժողովրդին ու կառավարությանը, Սիրիայի հակամարտության քաղաքական լուծման հետ կապված Թեհրանի ջանքերի համար: