Tert.am-ը գրում է.

Մենք բոլորս այսպես թե այնպես կիսում ենք անձնական հիգիենայի պարագաներն ընկերների, ընտանիքի անդամների կամ զուգընկերների հետ. դա անխուսափելի է։ Սակայն որոշ դեպքերում նման շռայլությունը մեր առողջությանը լուրջ վնաս կարող է հասցնել։

Ահա այն իրերի ցանկը, որոնք չի կարելի կիսել անգամ ամենամտերիմների հետ։

 Օճառ

Դուք կարծում եք՝ օճառն ինքնամաքրվո՞ւմ է: Ցավոք ոչ: Յուրաքանչյուր օգտագործումից հետո օճառի կտորը ծածկվում է միկրոօրգանիզմներով՝ սկսած անվնաս մանրէներից մինչև լուրջ վիրուսներ:

Սրբիչ

Սրբիչից տհաճ հո՞տ է գալիս: Դա իրականում բակտերիաների ու սնկերի հոտն է: Սրբիչն օգնում է մանրէների տարածմանը՝ հատկապես եթե այն կախված է խոնավ վայրում։

Լոգանքի սպունգ

Լոգանքի սպունգը երբեք չի հասցնում լավ չորանալ։ Սնկերն ու վիրուսները դրա ծալքերում իրենց զգում են ինչպես տանն ու հանգիստ աճում ու բազմանում։

Մկրատ 

Անգամ, եթե թվում է, որ երկուսն էլ առողջ եղունգներ ունեն, մկրատ կիսելը վատ գաղափար է: 

Նրբունելի

Եթե դուք ընկերուհուց խնդրում եք նրբունելին՝ մի քանի ավելորդ մազեր հեռացնելու համար, դա սարսափելի չէ (եթե, իհարկե, այն ակնհայտորեն կեղտոտ չէ)։

Սակայն եթե դուք օտարի նրբունելին օգտագործելիս անզգուշաբար վնասեք ձեզ և արյուն հոսի, ապա այդ անմեղ գործիքը կարող է դառնալ արյան միջոցով տարածվող լուրջ հիվանդության աղբյուր։

Այն ամենը, ինչ պահվում է տարայում. ցանկացած կրեմ, վազելին
 

Ամեն անգամ, երբ ինչ-որ մեկը դրա մեջ մտցնում է իր մատը, նոր բակտերիաները տարածվում են ողջ տարայում և այդկերպ հայտնվում հաջորդ օգտագործողի մարմնի կամ դեմքի վրա։

Հակաքրտինքային միջոցներ

Իհարկե, դա ինքնին տհաճ է։ Սակայն ավելի վատ է այն, որ հակաքրտինքային միջոցների վարակված գլխիկները կարող են լուրջ ինֆեկցիա առաջացնել, եթե հայտնվեն սափրելուց հետո մնացած աննկատ վերքերի վրա։

Ատամի մածուկ

Իհարկե, դա այնքան սարսափելի չէ, որքան նույն խոզանակն օգտագործելը, սակայն մածուկը կիսելը ևս կարող է վտանգավոր լինել: Իհարկե, այն դեպքում, երբ դուք  այն կպցնում եք խոզանակին: Բակտերիաները հավաքվում են մածուկի տուփի վրա, ապա հայտնվում մյուս օգտագործողի խոզանակին։

Ականջօղեր

Երբ դուք ընկերուհուց ականջօղեր եք խնդրում, համոզվեք, որ դրանք մաքուր են, իսկ ավելի լավ է ամեն դեպքում մաքրեք սպիրտով: Քիչ չեն դեպքերը, երբ այդկերպ վարակիչ հիվանդություն է փոխանցվում։