Լոնդոնի «Չելսիի» եւ Իսպանիայի հավաքականի հարձակվող Դիեգո Կոստան կարող է վերադառնալ Մադրիդի «Ատլետիկո»,- այդ մասին հաղորդում է «Cadena Ser»-։
Աղբյուրի համաձայն՝ դա կարող է տեղի ունենալ 2016 թվականի ամռանը։
Հիշեցնենք, որ 27-ամյա ֆուտբոլիստը մադրիդյան ակումբից էր համալրել «կապույտների» կազմը 2014 թվականին։ Նրա համար լոնդոնցիները վճարել էին 38 մլն եվրո։
Անգլիայի ընթացիկ առաջնությունում անցկացրած 10 խաղում Կոստան խփել է երկու գոլ եւ կատարել մեկ արդյունավետ փոխանցում։