Ֆրանսիական ռազմաօդային ուժերը զանգվածային հարված են հասցրել Սիրիայի Ռաքքա քաղաքում ԴԱԻՇ խմբավորման դիրքերին՝ հայտնում է BFMTV-ն։
Նշվում է, որ հարվածի արդյունքում ոչնչացվել է ԴԱԻՇ-ի հրամանատարական կետ և ուսումնամարզական ճամբար։ Ընդհանուր առմամբ կործանիչները նետել են 20 ռումբ։
Ավելի վաղ հաղորդվել է, որ ԱՄՆ զինված ուժերի ներկայացուցիչները կաշխատեն իրենց ֆրանսիացի գործընկերների հետ՝ մեծացնելու ավիահարվածների ինտենսիվությունը։