Բելգիայի Գենտ քաղաքում կիրակի օրը՝ նոյեմբերի 15-ին, կայացել է հայկական առաջին գեղեցկության մրցույթը՝ Miss Armenian Belgium-2015-ը: Մրցույթը կազմակերպել են բելգիահայ երգչուհի Կարինե Օհանյանը (Keyoh), Աննա Օհանյանը և Տաթև Մանուկյանը:
FashionYan.com-ի հետ զրույցում Կարինե Օհանյանն ասաց, որ մասնակիցները թվով 12-ն են եղել: Մրցույթում հաղթող է ճանաչվել 21-ամյա Էլեն Կարապետյանը:
Երկրորդ տեղը զբաղեցրել է 20-ամյա Թագուհի Սիմոնյանը, իսկ երրորդը՝ 23-ամյա Տալին Հարությունյանը:
Շնորհավորում ենք հաղթողներին և կազմակերպիչներին՝ մրցույթին մաղթելով բարեհաջող ընթացք: