Բլոգեր Արթուր Չախոյանը ֆեյսբուքյան իր էջում տեսանյութ է հրապարակել Աջափնյակ վարչական շրջանում կատարված անորակ շինաշխատանքների փաստմամբ։

«Դեռ 2023 թվականին տեսանյութ էի հրապարակել, թե ինչպես են Աջափնյակ վարչական շրջանում «թքած-կպցրած» առանց բետոնե հիմքի եզրաքարեր տեղադրում»,- հայտնում է Չախոյանը և ցույց տալիս կադրերը երբ մատով քանդում էր եզրաքարերը։

Չախոյանը նշում է, որ առանց հիմքի խճաքարի, շիննորմերի խատմամբ եզրաքարեր են տեղադրվել, որոնց հպվելուց քանդվում են։

Նա ցույց է տալիս ավտոճանապարհի եզրերին և մայթերին արդեն տեղաշրջված եզրաքարերը։

«Պատկերացնում եք, թե այստեղ քանի միլիոն դրամի գումար է դուրս գրել Երևանի քաղաքապետարանը բետոնի համար, բայց այն փաստացի չկա և բոլոր եզրաքարերը քանդվում են»,- հայտարարեց Չախոյանը։