ՀՀ վարչապետի աշխատակազմի ղեկավարի տեղակալ Տարոն Չախոյանը հրապարակել է Վաղատինի դպրոցի նախկին ու նոր լուսանկարները՝ նշելով, որ համայնքը ստացել է նոր, կահավորված և անվտանգ կրթական հաստատություն։

Չախոյանի խոսքով՝ 62 տարվա պատմություն ունեցող հին դպրոցը խարխլված վիճակում էր․ շենքը կառուցվել էր դեռ 1962 թվականին և վերջին անգամ վերանորոգվել էր 2001-ին։ Նորակառույցը նախատեսված է 100 աշակերտի համար, ունի ժամանակակից պայմաններ, ինչպես նաև 20 փոքրիկի համար նախատեսված նախակրթարան։

«Բարով վայելեք, սիրելի վաղատինցիներ»,– գրել է նա։