Ղազախստանի նախագահ Կասիմ-Ժոմարտ Տոկաևը պաշտոնական այցով կժամանի Վրաստան։ Ինչպես հայտնում է Վրաստանի կառավարության լրատվական ծառայությունը, այցի հստակ ամսաթիվը դեռևս չի հրապարակվում, սակայն դրա կարևորությունն արդեն իսկ ընդգծվել է Թբիլիսիում ընթացող բարձր մակարդակի բանակցություններում։ Վրաստանի վարչապետ Իրակլի Կոբախիձեն ընդունել է այս օրերին պաշտոնական այցով երկրում գտնվող Ղազախստանի ներքին գործերի նախարար Էրժան Սադենովին, որի հետ հանդիպման առանցքային թեմաներից է եղել հենց նախագահական մակարդակով սպասվող այցի նախապատրաստումը։