Բեզիմյաննի հրաբխի ժայթքումից հետո Կամչատկայի Միլկովսկի շրջանի առնվազն երեք գյուղ ծածկվել է արտանետված մոխրի շերտով, հայտնում է մարզային արտակարգ իրավիճակների նախարարությունը։ Տեղի բնակիչներին խորհուրդ է տրվել չլքել իրենց տները կամ դուրս չգալ փողոց, եթե խիստ անհրաժեշտություն չկա:

Արտակարգ իրավիճակների նախարարության հաղորդագրության համաձայն՝ Լազո, Ատլասովո, Տայեժնի գյուղերում մոխիր է տեղացել։ Միաժամանակ պնդում են, որ «բնակչության կյանքը խաթարված չէ»։ Նախարարությունը մանրամասնում է, որ մոխրի շյուղը տարածվում է թերակղզու խորքում, և չի կարելի բացառել մոխրի անկումը Ուստ-Կամչատսկի մունիցիպալ շրջանի Կլյուչի գյուղում։

Արտակարգ իրավիճակների նախարարությունը նշում է, որ թարմ հրաբխային մոխիրը վտանգավոր է, քանի որ այն բաղկացած է ապարների մանր, բարակ, սուր անկյուն ունեցող բեկորներից և հրաբխային ապակիներից։

Մոխրի մասնիկների մակերեսը պահպանում է էլեկտրաստատիկ լիցքը, ինչի պատճառով մոխրի անկման ժամանակ օդը էլեկտրականանում է, ինչը սպառնում է վնասել էլեկտրական սարքերը։

Օդում ծծմբի և այլ քայքայիչ տարրերի առկայությունը կարող է հանգեցնել շնչառական հիվանդությունների և ալերգիայի, կենդանիների և ջրի թունավորման: