Իրանական կողմը պլանավորում է ԻԻՀ նախագահ Մասուդ Փեզեշքիանի այցը Երևան:
Այս մասին «Երևանյան երկխոսություն–2025» միջազգային համաժողովի շրջանակում լրագրողների հետ ճեպազրույցի ժամանակ հայտնել է Իրանի փոխարտգործնախարար Սայիդ Խաթիբզադեն:
Ըստ փոխնախարարի, երկու երկրների միջև հարաբերությունները շատ լավ մակարդակի վրա են, իրականացվում են դիվանագիտական ամենաբարձր մակարդակի փոխայցեր:
Այս շաբաթվա ընթացքում ևս հինգ պաշտոնական պատվիրակություն պետք է այցելի Հայաստան, իսկ Հայաստանի անվտանգության խորհրդի քարտուղար Արմեն Գրիգորյանը նախորդ շաբաթ է այցելել Իրան:
«Այժմ մենք պլանավորում ենք երկրի ղեկավարի այցը Երևան: Երկու մայրաքաղաքների միջև իրականացվում են քաղաքական խորհրդակցություններ, իսկ ինչ վերաբերում է հարաբերությունների տնտեսական ոլորտին, ապա դրանք գտնվում են շատ բարձր մակարդակի վրա և առաջիկայում, երբ արդեն փոխադրումների զրո տոկոս տոկոսադրույքն իրականացվի, տնտեսական համագործակցությունը թռիչքային աճ կարձանագրի»,- ասել է Սայիդ Խաթիբզադեն՝ հավելելով, որ լավ համագործակցություն է ձևավորվել նաև նորագույն տեխնոլոգիաների ոլորտում:
Փոխնախարարի խոսքով՝ զբոսաշրջության, մշակութային ոլորտում, ինչպես նաև երկու ժողովուրդների միջև կապն անընդհատ զարգանում է:
«Հուսով եմ, որ որոշ խոչընդոտներ հարթելուց հետո՝ հատկապես Հայաստան-Ադրբեջան խաղաղության պայմանագրի ստորագրումից հետո մենք բազմաթիվ նախագծեր և ծրագրեր կիրականացնենք, որոնք մինչ այս պահը կյանքի չեն կոչվել»,- շեշտել է նա:
21.jpg&w=178)
18.jpg&w=178)
20.jpg&w=178)
21.jpg&w=178)
.jpg&w=178)
.png&w=178)
2.png&w=178)
.png&w=178)
.jpg&w=170)
258.jpg&w=380)
337.jpg&w=180)
1445.jpg&w=180)
289.jpg&w=180)
868.jpg&w=180)