Ըստ առասպելի, ձիթենին հին հույներին նվիրել է Աթենաս աստվածուհին: Ի երախտագիտություն, նրանք իրենց մայրաքաղաքն անվանել են նրա անունով: Ձիթապտղի յուղը թերևս մարդկությանը հայտնի հնագույն կոսմետիկ միջոցն է:
Հատկությունները և բաղադրությունը
Ձիթապտղի յուղը պարունակում է մոնոհագեցած ճարպային թթուներ: Հատկապես օգտակար են օլեինային թթուն, պոլիֆենոլները, А, Е, В, С, D, К վիտամինները, որոնք օգնում են պահպանել երիտասարդությունը, էլաստիկությունն ու մարմնի փափկությունը: Այս յուղը նպաստում է վերականգնվելուն, վերականգնում է մաշկի հիդրոլիպիդ մանթիան` ստեղծելով արտաքին միջավայրի ներգործությունից հուսալի պաշտպանական արգելապատ:
Եղունգների աճը բարելավելու համար
Եթե Ձեր եղունգները շերտավորվում են և հաճախ կոտրվում են, ապա ամեն օր եղունգներին ձիթապտղի յուղ քսեք: Կարելի է նաև շաբաթը երկու անգամ «լոգանք կազմակերպել» եղունգների համար` մատների ծայրերը 5-10 րոպե պահելով ձիթապտղի յուղի մեջ: Այս գործընթացը պարբերաբար կատարելու դեպքում, կստանաք հիանալի արդյունք: Եղունգները կդառնան առողջ և փայլուն:
Ձեռքերի և ոտքերի սնուցման և խոնավացման համար
Ձեռքերի չոր մաշկից ազատվելու համար, քնելուց առաջ դաստակներին ձիթապտղի յուղ քսեք և մերսեք, իսկ հետո թելե ձեռնոցներ հագեք և պառկեք քնելու: Ոտնաթաթերի վրա առաջացած ճեղքերը նույնպես կարելի է բուժել ձիթապտղի յուղի միջոցով: Ոտնաթաթերը մշակեք չեչաքարով և տրորելով քսեք ձիթապտղի յուղ: Այս գործողությունը լավ է անել քնելուց առաջ, իսկ գիշերը գուլպաներ հագեք, քանի որ այդպես մաշկն ավելի լավ կներծծի հեղուկը:
Շրթունքների ճաքերի և թեփոտման համար
Եթե Ձեր շրթունքները հաճախ են ճաքճքում, ապա ուղղակի ձիթապտղի յուղ քսեք:
Շրթունքների թեփոտման դեմ օգնում է պայքարել հետևյալ քսուքը`1թեյի գդալ ձիթապտղի յուղին ավելացրեք 1/2 թեյի գդալ շաքարավազ և մի քանի կաթիլ կիտրոնի հյութ: Ստացված բաղադրությունը քսեք շրթունքներին:
Դիմահարդարումը հանելու համար
Տաք ջրով թրջած բամբակե խծուծի վրա լցրեք մի քանի կաթիլ ձիթապտղի յուղ և քսեք դեմքին: Մեկ այլ խծուծով սրբեք կոպերը: Դիմահարդարումը հանելու այս մեթոդը հարմար է նաև այն դեպքում, երբ դուք օգտագործում եք ջրադիմացկուն սևաներկ (тушь): Այնուհետև լվացվեք տաք ջրով և վերջում սառը ջրով:
Որպես դիմաքսուք
Ձվի դեղնուցը լավ խառնեք 1թեյի գդալ մեղրի հետ, ավելացրեք 1թեյի գդալ ձիթապտղի յուղ և նույնքան էլ կիտրոնի հյութ: Ստացված խառնուրդը քսեք դեմքին և թողեք 20 րոպե, հետո լվացեք տաք ջրով: Այսպիսի դիմակը լավ է չոր և նորմալ մաշկի համար: Այն ունի թեթևակի սպիտակեցնող ազդեցություն:
Մազերի սնուցման համար
Խառնեք 2 ճաշի գդալ ձիթապտղի յուղը ձվի դեղնուցի և 1 թեյի գդալ կիտրոնի հյութի հետ: Քսեք խառնուրդը գլխի մաշկին և գլուխը փաթաթեք պոլիէթիլենային տոպրակով: 15 րոպե հետո շամպունով լվացեք մազերը: Մազերը կդառնան ավելի փափուկ, փայլուն և մետաքսանման:
Մարմնի լոսյոնի փոխարեն
Ցնցուղ ընդունելուց հետո մի փոքր խոնավ մաշկին մի քիչ ձիթապտղի յուղ քսեք: Սպասեք 3 րոպե, մինչև յուղը կներծծվի, այնուհետև հեռացրեք այն թղթե սրբիչով: Մաշկը կդառնա հարթ և նուրբ:
Միշտ ձեռքի տակ
Ձիթապտղի յուղը հարմար է ցանկացած տեսակի մաշկի համար, այն չի առաջացնում ալերգիկ ռեակցիաներ, արագ անցկացնում է բորբոքումը: Բացի այդ, այն միշտ ձեռքի տակ է և կարող է օգնել, երբ վերջանա ձեռքի քսուքը: Իսկ եթե դուք դիմակ պատրաստելու ժամանակ չունեք, ապա կարող եք միայն ձիթապտղի յուղ քսել դեմքին:
.png&w=178)
«Շիրակ»թռչնաֆաբրիկայից,Սյունիքից,Երևանից.ովքե՞րենԱբովյանումՓաշինյանիհանրահավաքիմասնակիցները-YouTube-GoogleChrome5_28_20262_27_49PM.png&w=178)
.png&w=178)
1.png&w=178)
639.jpg&w=178)
.png&w=178)
258.jpg&w=380)
.png&w=180)
1445.jpg&w=180)
289.jpg&w=180)
868.jpg&w=180)